ისლამოფობიური განცხადებების სიმრავლე, ხშირად თან ახლავს სხვადასხვა რეგიონში მეჩეთების მშენებლობის საკითხის და რიგ შემთხვევებში ამ მშენებლობის გამო წარმოქმნილი დაპირისპირების გაშუქებას.
ეთნო - ნაციონალისტურ მედიათა ნაწილი, ხშირად ავრცელებს მოსაზრებას, რომ მეჩეთის მშენებლობა არა ადგილობრივი მოსახლეობის, არამედ თურქეთის ინტერესებშია და საქართველოსთვის საფრთხეს წარმოადგენს.
ბუკნარი
აჭარის ტელევიზია: ‘’წავბილწეთ კიარა, შევამკეთ, ისე ლამაზაც ჩამოკიდეს ახალგაზრდებმა ყურებგაარჭყული გოჭი კარებზე, რომ სასიამოვნო შესახედავი იქნება როცა მოვლენ მუსტაფა და სხვები, გაიხარებენ’’
იმედი: ‘’ქრისტიანი ქალი ვარ და არ მინდა კაცო, წავიდნენ სადაც უნდა იქ ააშენონ, ტრიალ მინდორში’’
ტელეკომპანია "იმედის" ეთერში, რესპონდენტის, თეა დარჩიას მიერ გაჟღერებულ ისლამოფობიურ განცხადებას დიდი გამოხმაურება მოჰყვა. აღნიშნულ ეთერში თეა დარჩიამ განაცხადა, თუკი ქართველი ყურანს სწავლობს, მათში ქართული არაფერი არის. გადაცემის წამყვანმა, მაგდა ანიკაშვილმა, რესპონდენტის დისკრიმინაციულ განცახებაზე არც სათანადო რეაგირება მოახდინა და მეტიც, საკუთარი ემოციების გაზიარებისთვის მადლობა გადაუხადა, რის გამოც წამყვანმა ჟურნალისტური ეთიკის ქარტიის მე-7 - დისკრიმინაციის პრინციპი დაარღვია. მოგვიანებით იმედის თვითრეგულირების საბჭოში შესული საჩივრის საფუძველზე, წამყვანმა განაცხადა, რომ მისი ეთერით გაჟღერებულმა მოსაზრებამ საზოგადოების ერთი ნაწილის უკმაყოფილება გამოიწვია და აღნიშნა რომ ტელეკომპანია "იმედი" არ ახდენს რელიგიური ნიშნით მოქალაქეების დისკრიმინაციას.
მედიებში სხვადასხვა წყაროების მიერ ისლამოფობიური განცხადებების სიმრავლის გარდა, მუსლიმი თემის, უმეტეს შემთხვევაში, კონფლიქტის მხარედ გაშუქება საზოგადოებაში ისლამოფობიური განწყობების გაღვივებას უწყობს ხელს. სინფორმაციო ბადეში იშვიათად თუ შეხვდებით სიუჟეტს, სადაც მუსლიმი თემი, ან კონფლიქტის ან რელიგიური დღესასწაულის კონტექსტში არაა გაშუქებული.